Aab-e-Hayaat ( Umera Ahmed )

This Novel is the next in series to the Peer-e-Kamil (S.A.W.) !! Got first 3 pages from a buddy so shared it with you peoples. Bool would be out in mid of December.Till then have a glimpse of the book.

Us nay dooor say SALAR ko apni taraf aatay daikha. Us kay hath main

soft drink ka aik glass tha.
“Tum Yahan kyoun aakar baith gai”? Imama kay kareeb aatay huay us

nay door say kaha.
” Aisay hi … Shaal lainay aai thi … phir yahi baith gai .. ”

woh muskurai. Us kay kareeb baith tay huay Salar nay soft drink ka

glass apni tangoon kay dirmiyaan nichli seerhi per rakh diya. Imama

lakri kay sutoon say taik lagaiay aik ghutnay per khanay ki plate

takaiay , khatay khatay door lawn main baithay GUlokaar ko daikh

rahi thi jo nai ghazal shuroo karnay say pehlay sazandon ko hadayat

day raha tha. Sala nay uska fork utha uski plate say kabab ka aik

tukra apnay moun main dala. Woh bhi ab Gulokaar ki taraf matuwajaa

tha jo apni new ghazal shuroo kar chuka tha.
” enjoying ? ” Salay nay us say poacha.

” Haan ” usnay Muskara kar kaha. woh ghazal sun rahi thi.

Kisi ki aankh purnam hai, Muhabbat ho gai ho gi
Zaban per kissa ghum hai, Muhabbat ho gai ho gi

WOh bhi ghazal sunnay laga.

Kabhi hasna kabhi roona, kabhi hans hans kay ro daina
Ajab dil ka yay aalam hai, Muhabbat ho gai ho gi

” acha gaa raha hai ” Imama nay Sataishi andaaz main kaha. Salar

nay kuch kahnay ki bajaiay sar hila diya.

Khushi ka hadh say barh jana bhi, ab ik bay qarari hai
na gham hona bhi ik gham hai, Muhabbat ho gai ho gi

Salar soft drink peetay peetay hans para. Imama nay uska chehra

daikha. WOh jaisay kahin aur puhncha hua tha.

” Tumhain kuch daina chah raha tha main … “

woh jacket ki jaib main say kuch dhond kar nikalnay ki khoushish

kar raha tha.

” Buhat dinoon say daina chahta tha lekin … ” woh baat kartay

kartay ruk gaya. us kay hath main aik Dabya thi. Imama kay chahray

per bay ikhtiyaar muskurahat aai, tu bil aakhir usay khayal aagaya

tha …. Usnay Dabya laitay huay soacha aur usay khola. Woh Sakat

rah gai … andar Ear rings thay …. Un ear rings say taqreeban

miltay jhultay .. jo woh aksar apnay kanoon main pehnay rehti thi.

Us nay nazrain utha kar Salar ko daikha …

” Main Janta hoon yay itnay value able to nhn hain jitnay tumharay

father kay … lekin mughay acha lagay ga agar kabhi kabhar tum

unhain pehno “. In ear rings ko daikhtay huay us ki aankhon main

aansooo aagaiay.

” tum nhn bhi pehanna chahti to bhi theek hai .. Main replace

karnay kay liay nhn day raha hon ” Salar nay uski aankhon main

namudar hoti nami daikh kar bay sakhta kaha … Woh nhn janta tha

… Buhat kuch pehlay hi replace ho gaya tha .. Uski khawahish aur

iraday kay na honay kay bawajood …

kuch kahnay kay bajaiay Imama nay apnay dain kaan main latakta hua

jhumka utara.

” Main pehna sakta hoon? ” Salar nay aik ear ring nikaltay huay

poacha. Imama nay sar hila diya. Salar nay bari bari uskay donon

kaanon main woh ear rings pehna diay.

Woh nam aankhoon say muskurai. woh buhat dair tak kuch kahay bagiar

mabhoot usay daikhta raha.

” Luking LOvelier ” woh uskay kaanon main lataktay halkoray khatay

moti ko chotay huay madham awaz main bola .

” Tumhain koi mugh say ziyada muhabbat nhn kar sakta … koi mugh

say ziyada tumhari perwah nhn kar sakta … mugh say ziyada khayal

nhn rakh sakta tumhara … meray pass tumhara ilawa koi kemti cheez

nhn hai. ” uski aankhon main aankhain dalay woh us say kah raha tha

.. waada kar raha tha .. yaad dahani kara raha tha … YA kuch jata

raha tha .. woh jhuk kar ab uski gardan chom raha tha.

” I M BLESSED ” seedha hotay huay us nay imama say kaha.

” Romance ho raha hai? ” apnay aqab main aanay wali kamran ki awaz

per woh thitkay thay. woh shayad short cut ki wajah say baramday

kay is darwazay say nikla tha.

” koushish kar rahay hain ” Salar nay paltay bagair kaha.

” GuD LUCK ” woh kahta hua unkay pass say seerhiyan utarta hua

unhain daikay bagair chala gaya. Imama ki ruki hui saans bahal hui.

yay embarassing tha aur sirf isi kay liay tha … Salar aur uski

family kam say kam in maamalaat main bay had azad khayal thay.

Kisi ko saamnay paa kar, kisi kay surkh hountoon per
anokha sa tabassum hai, Muhabbat ho gai ho gi

Imama ko laga woh zair lab galukaar kay sath gunguna raha tha.

Jahan Veeran raahain thi, Jahan hairaan aankhain thi
wahan phooloun ka mousam hai, Muhabbat ho gai ho gi

Lakri ki in seerhiyoon per aik dosray kay pass baithay woh khamoshi

ko torti aas pass kay paharoon main goong ki tarah phelti galukaar

ki sureeli awaz ko sun rahay thay … Zindigi kay woh lamhay

yaadain ban rahay thay … dobara na aanay kay liay guzar rahay

thay ….

Unkay apartment ki deewar per lagnay wali un doonon ki pehli Akathi

tasweer us farm house ki seerhiyoon hi ki thi. Surkh labas main

golden karhai wali black pashmeena shawl apnay bazwaoon kay gird

aurhay khulay black baloon ko kaanon kay phechay kiay khushi uski

muskurahat aur aankhon ki chamak main nhn .. balkay us qurb main

jhalak rahi thi jo us kay aur Salar kay dirmiyaan nazar aaraha tha.

Safeed shirt aur black jacket main usay apnay sath lagaiay Salar ki

aankhon ki chamak jaisay us photograph main moujood dosri har cheez

ko maat kar rahi thi. Koi bhi camray kay liay banaiay is aik main

nazar aanay walay couple ko daikh kar chand lamhon kay liay zaroor

rukta.

Sikandar nay is photograph ko frame karwa kar unhain hi nhn bheja,

unhon nay apnay ghar ki family wall photoes main bhi is tasweer ka

izafa kiya tha ……….